Verfügbarkeit für Abholungen konnte nicht geladen werden
Die Zeit verfliegt, egal ob wir sie nutzen oder nicht - also probiersmal.
Hol der d'Zuetate für e Pizza Margherita und mach der dini Lieblingspizza drus - so wie du sie dir scho immer vorgestellt hesch.
Zuebereitig:
Vorbereitig - Teig:
am Morge usem Gfrührer neh (mind. 6h vorem esse)
kei Angst, mer chanen au guet en Tag später esse, falls mer sponti würd weg (denn einfach in Chüelschrank stelle über d'Nacht)
Teig mit wenig Semola ihribe - ned ihlegge
Ine gschlossnigi/luftdichti Schüssle (Cornflakes Schüssle mit Frischhaltefolie verschlosse gaht au) —> so tröchnet de Teig bim uftaue ned us
D‘Schüssle anen Ort mit (eher chüel und schattig) Hustemperatur stelle
Zuebereitig - Pizza: (Vgl. Bilder - Schritt für Schritt Aleitig)
Bachofe vorheize (Underhitz und Umluft so heiss wies gaht)
Teig vorsichtig useneh (Wichtig: ned/nüme knette) und uf chli Semola oder Mehl tue (zum useneh hilfts, wemmer chli Semola oder Mehl ad Händ und ad Oberflächi vom Teig tuet)
Usdrucke (für en prachvolle Rand de Rand ned verdrucke/ abedrucke)
hets ned klappt - isch glich: Scheitern ist lediglich die Gelegenheit, mit neuen Erfahrungen beim nächsten Versuch - bide nächste Pizza - noch einmal von vorn zu beginnen. oder no besser: Wenn du 30 Misserfolge von deinem Ziel entfernt wärst, wie schnell würdest du scheitern wollen? Genau.
De Teig uf es Backpapier legge
Chli Öl, denn Tomatesauce (ca. 100g bi Standard), Chäs (75-110g) und alles womer suscht no so gern het druf tue
Ufes GITTERBLECH legge
uf de UNTERSTE Schine bache und je nachdem wie viel Toppings no druf sind:
230°C ca. 6-11min
250°C ca. 5-11min
275°C ca. 5-11min
Pizza für 1 Minute uf es Kuechegitter legge damit de Bode schön knusprig blibt (Oregano ned vergesse)
